Parashikimet javore 26 Tetor – 1 Nëntor 2026
HËNA E PLOTË NË DEM: Java që Nxjerr të Vërtetat – Dashuri, Para dhe Vendime të Forta!
Java nga 26 tetori deri më 1 nëntor 2026 është një nga javët më të forta, më intensive dhe më zbuluese të kësaj periudhe, sepse hapet menjëherë me një Hënë të Plotë shumë të fuqishme në Dem dhe vazhdon me Diellin në Akrep, Merkurin në retrogradë në Akrep, Afërditën në retrogradë në Peshore, Marsin dhe Jupiterin në Luan, Plutonin tashmë direkt në Ujor, si edhe me ndikime shumë të ndjeshme nga Saturni, Neptuni dhe Kironi në Dash. Kjo nuk është një javë e zakonshme. Është një javë që nxjerr në dritë të vërteta, zbulon çfarë nuk mund të mbahet më fshehur, sjell kulme emocionale, rishikon marrëdhënie, fjalë, para, vendime, bashkëpunime dhe e detyron secilin të shohë me më shumë sinqeritet se ku qëndron.
Kjo javë fillon me Hënën e Plotë në Dem, më 26 tetor, në gradat e para të Demit, përballë Diellit në Akrep. Hëna e Plotë është gjithmonë një kulm, një ndriçim, një rezultat, një moment ku gjërat bëhen më të qarta. Por këtë herë, Hëna e Plotë në Dem nuk është e butë dhe e thjeshtë. Ajo ndodh në boshtin Dem–Akrep, një bosht që lidhet me paratë, vlerat, trupin, sigurinë, pronën, kënaqësinë, besimin, intimitetin, financat e përbashkëta, kontrollin dhe transformimin. Demi kërkon stabilitet, qetësi, siguri materiale dhe paqe në trup. Akrepi kërkon të vërtetën e thellë, pastrimin emocional, përballjen me frikën dhe transformimin. Prandaj, kjo Hënë e Plotë mund të sjellë një përplasje midis asaj që duam të ruajmë dhe asaj që duhet të ndryshojë.
Ndikimi bëhet edhe më i fortë sepse në të njëjtën ditë, Dielli në Akrep formon një katror shumë të fuqishëm me Plutonin direkt në Ujor. Kjo e bën Hënën e Plotë edhe më intensive. Nuk kemi vetëm një kulm emocional. Kemi një kulm që prek tema pushteti, kontrolli, frike, xhelozie, varësie, parash, autoriteti, marrëdhëniesh dhe zgjedhjesh të thella. Dielli në Akrep kërkon të shohë të vërtetën, ndërsa Plutoni në Ujor nuk lejon më që gjërat të mbeten në sipërfaqe. Kjo javë mund të tregojë ku një marrëdhënie ka pasur kontroll të fshehtë, ku një situatë financiare nuk është e qartë, ku një person ka mbajtur shumë fuqi mbi tjetrin, ose ku një sistem i vjetër nuk funksionon më.
Shenjat që preken më fort nga Hëna e Plotë në Dem dhe nga katrori Diell–Pluton janë shenjat fikse: Demi, Akrepi, Luani dhe Ujori. Më të ndikuar janë sidomos ata që i përkasin dhjetëditëshit të parë, ose që kanë planetë personalë në gradat e para të këtyre shenjave. Për Demin, kjo Hënë e Plotë ndriçon identitetin, trupin, marrëdhëniet dhe nevojën për siguri. Për Akrepin, ndriçon marrëdhëniet, partneritetet dhe mënyrën se si përballen me tjetrin. Për Luanin, aktivizon fort boshtin familje–karrierë dhe mund të sjellë tension midis jetës private dhe imazhit publik. Për Ujorin, me Plutonin në shenjën e tij, kjo javë mund të jetë jashtëzakonisht transformuese, sepse prek identitetin, karrierën, familjen dhe marrëdhëniet në mënyrë shumë të thellë.
Për Demin dhe Akrepin, kjo javë mund të sjellë një kulm në marrëdhënie, në para, në vendime personale ose në mënyrën se si ndajnë energji dhe besim me të tjerët. Për Luanin dhe Ujorin, presioni mund të vijë përmes karrierës, familjes, partneriteteve ose nevojës për të mos mbajtur më role që nuk përfaqësojnë të vërtetën e tyre. Dhjetëditëshi i parë i këtyre shenjave duhet të jetë shumë i kujdesshëm me reagimet impulsive, me dramat, me përplasjet e egos dhe me vendimet e marra nga frika. Kjo Hënë e Plotë nuk kërkon shpërthim. Kërkon vetëdije.
Dielli vazhdon gjatë gjithë javës në Akrep, nga gradat e para deri në gradat e mesme të shenjës. Akrepi është shenjë e thellësisë, intimitetit, transformimit, psikologjisë, besimit dhe krizave që sjellin rilindje. Kur Dielli kalon në Akrep, askush nuk mund të kënaqet vetëm me përgjigje të lehta. Çdo gjë bëhet më e thellë. Marrëdhëniet kërkojnë sinqeritet. Paratë kërkojnë kontroll. Fjalët kërkojnë kujdes. Trupi kërkon të dëgjohet. Intuita rritet, por bashkë me të rritet edhe dyshimi, nevoja për siguri dhe dëshira për të zbuluar atë që nuk është thënë.
Shenjat e ujit, Akrepi, Gaforrja dhe Peshqit, e ndiejnë Diellin në Akrep si një energji më të natyrshme, më emocionale, më intuitive dhe më mbështetëse. Për Akrepin është periudhë personale, sepse Dielli është në shenjën e tij. Për Gaforren, Dielli në Akrep aktivizon dashurinë, fëmijët, krijimtarinë dhe gëzimin. Për Peshqit, hap rrugë të reja në studime, udhëtime, dokumente dhe besime. Por edhe për këto shenja, kjo nuk është energji e lehtë. Është energji e thellë. Nuk sjell vetëm mundësi, por edhe nevojë për të parë çfarë fshihet pas ndjenjave.
Një nga fenomenet më të rëndësishme të javës është Merkuri në retrogradë në Akrep. Merkuri ndodhet në Akrep dhe gjatë kësaj jave lëviz në retrogradë nga rreth 20 gradë në rreth 16 gradë të Akrepit. Kjo do të thotë se mendimet, fjalët, dokumentet, marrëveshjet, mesazhet, kontaktet, lajmet, kontratat, bisedat e vjetra, sekretet dhe informacionet që nuk janë thënë plotësisht mund të rikthehen. Merkuri në Akrep nuk është sipërfaqësor. Ai kërkon të shkojë në thelb. Por kur është në retrogradë, kjo kërkesë për të vërtetën mund të bëhet edhe më e ndërlikuar, sepse nuk është gjithmonë e qartë se çfarë është intuitë dhe çfarë është frikë.
Merkuri në retrogradë në Akrep prek më fort shenjat fikse të dhjetëditëshit të dytë: Akrepin, Demin, Luanin dhe Ujorin. Ata që kanë planetë personalë rreth gradave 16 deri në 21 të këtyre shenjave duhet të jenë shumë të kujdesshëm me bisedat, vendimet, dokumentet, mesazhet dhe interpretimet. Për Akrepin, Merkuri në retrogradë ndodh në shenjën e tij, prandaj sjell rishikim personal, kthim te mendime të vjetra, vendime të papërfunduara dhe biseda që kërkojnë sqarim. Për Demin, aktivizon marrëdhëniet dhe partneritetet. Për Luanin, prek familjen, shtëpinë dhe çështje private. Për Ujorin, prek karrierën, statusin dhe imazhin publik.
Në fund të javës, Merkuri në retrogradë në Akrep formon një katror shumë të fortë me Marsin në Luan. Ky është një aspekt që kërkon shumë kujdes. Fjalët mund të bëhen të mprehta. Reagimet mund të jenë të shpejta. Njerëzit mund të flasin nga nervi, nga krenaria, nga xhelozia, nga dyshimi ose nga dëshira për të fituar një debat. Ky aspekt mund të sjellë përplasje në komunikim, debate në marrëdhënie, tension në punë, keqkuptime në familje, nxitim në vendime, probleme me dokumente, udhëtime ose lëvizje të shpejta. Nuk është javë për të folur pa menduar. Nuk është javë për të dërguar mesazhe në zemërim. Nuk është javë për të firmosur gjëra pa kontrolluar çdo detaj.
Ky katror Merkuri në retrogradë–Mars prek më fort sërish shenjat fikse të dhjetëditëshit të dytë: Akrepi, Luani, Demi dhe Ujori. Luani mund të reagojë me krenari, Akrepi me intensitet, Demi me kokëfortësi dhe Ujori me distancë ose fjalë shumë të ftohta. Por mesazhi i qiellit është i qartë: ajo që thuhet këtë javë mund të ketë pasoja. Prandaj duhet maturi. Nëse një bisedë është e rëndësishme, më mirë të bëhet me qetësi. Nëse një vendim është i rëndësishëm, më mirë të kontrollohet. Nëse një konflikt po rritet, më mirë të mos ushqehet me ego.
Afërdita është në retrogradë në Peshore gjatë kësaj jave. Kjo është shumë e rëndësishme, sepse Peshorja është shenja që lidhet me marrëdhëniet, partneritetet, martesën, diplomacinë, drejtësinë, marrëveshjet, bukurinë, estetikën dhe ekuilibrin. Afërdita në retrogradë në Peshore nuk sjell thjesht romancë të bukur. Ajo rikthen pyetje të vjetra: a ka barazi në këtë marrëdhënie? A po jap më shumë se sa marr? A po ruaj paqen duke heshtur? A po e mbaj një lidhje vetëm sepse është e bukur nga jashtë? A po zgjedh me zemër, apo me frikë se mos mbetem vetëm? A po e vlerësoj veten në dashuri dhe në marrëveshje?
Gjatë kësaj jave, Afërdita në retrogradë në Peshore përballet me Kironin në Dash, duke hapur një plagë të vjetër në boshtin “unë dhe tjetri”. Ky aspekt është shumë i ndjeshëm për marrëdhëniet. Mund të sjellë rikthim të një dhimbjeje, një bisedë që prek, një ndjenjë refuzimi, një kujtim të vjetër dashurie, një marrëdhënie që kërkon shërim, ose një situatë ku dikush ndien se nuk është parë, nuk është vlerësuar ose nuk është dashur siç duhet. Nuk është një aspekt i lehtë, por mund të jetë shumë shërues, nëse nuk përdoret për fajësim, por për ndërgjegjësim.
Shenjat që preken më fort nga Afërdita në retrogradë përballë Kironit janë shenjat kardinale të dhjetëditëshit të tretë: Peshorja, Dashi, Gaforrja dhe Bricjapi. Për Peshoren, kjo është shumë personale, sepse Afërdita është në shenjën e saj dhe e vendos përballë pyetjeve për dashurinë, pamjen, zgjedhjet dhe vlerën personale. Për Dashin, Kironi në shenjën e tij prek plagë identiteti dhe marrëdhënieje. Për Gaforren, tensioni mund të shfaqet midis shtëpisë, karrierës dhe lidhjeve. Për Bricjapin, mund të ketë përballje midis statusit, familjes dhe nevojave personale. Dhjetëditëshi i tretë i këtyre shenjave duhet të mos veprojë nga lëndimi i vjetër. Duhet të dëgjojë plagën, por të mos e lejojë atë të marrë timonin.
Në të njëjtën kohë, Afërdita në retrogradë në Peshore krijon edhe një lidhje më të butë me Jupiterin në Luan, sidomos për shenjat e ajrit dhe zjarrit në gradat e fundit. Ky ndikim mund të sjellë rikthim të kontakteve sociale, mundësi për pajtim, mbështetje nga miq, ngrohtësi, dëshirë për të rikthyer bukurinë, apo një ndjesi se një marrëdhënie mund të rishikohet me më shumë zemërgjerësi. Por për shkak se Afërdita është në retrogradë, çdo gjë duhet marrë me kujdes. Rikthimi nuk do të thotë automatikisht vazhdim. Pajtim nuk do të thotë harresë. Një ndjenjë e bukur nuk mjafton nëse nuk ka respekt dhe ekuilibër.
Marsi ndodhet në Luan gjatë gjithë javës, nga gradat e mesme drejt fundit të dhjetëditëshit të dytë. Marsi në Luan sjell zjarr, krenari, veprim, pasion, dëshirë për dukshmëri, nevojë për të fituar, për të mbrojtur veten, për të qenë në qendër, por edhe prirje për dramatizim dhe reagime të forta. Kjo energji mund të jetë shumë krijuese, shumë motivuese dhe shumë e guximshme, nëse përdoret me vetëdije. Por mund të bëhet problematike nëse kthehet në ego, konflikt dhe nevojë për të pasur gjithmonë fjalën e fundit.
Marsi në Luan prek më fort Luanin, Ujorin, Demin dhe Akrepin e dhjetëditëshit të dytë. Për Luanin, sjell energji personale, guxim dhe impuls, por edhe nervozizëm. Për Ujorin, aktivizon marrëdhëniet dhe partneritetet, duke sjellë pasion, por edhe përplasje. Për Demin, prek familjen, shtëpinë dhe sigurinë emocionale. Për Akrepin, prek karrierën, statusin dhe imazhin publik. Kjo do të thotë se katër shenjat fikse janë nën presion të madh këtë javë, sidomos sepse Marsi në Luan përplaset me Merkurin në retrogradë në Akrep. Fjalët dhe veprimet duhet të kontrollohen.
Jupiteri ndodhet në Luan, në gradat e fundit të shenjës, dhe vazhdon të zmadhojë temat e Luanit: krijimtarinë, udhëheqjen, dashurinë, krenarinë, ekspozimin, fëmijët, skenën, pasionin dhe dëshirën për të jetuar me zemër. Jupiteri në Luan mund të sjellë mundësi të mëdha, sidomos për shenjat e zjarrit: Luani, Dashi dhe Shigjetari, dhe për shenjat e ajrit: Binjakët, Peshorja dhe Ujori. Por për shenjat fikse, sidomos Demin, Luanin, Akrepin dhe Ujorin, Jupiteri mund të zmadhojë edhe presionin, pritshmëritë, dramat dhe dëshirën për të bërë më shumë se sa mund të mbahet realisht.
Më shumë ndikohet dhjetëditëshi i tretë i Luanit, Ujorit, Demit dhe Akrepit, sepse Jupiteri është në gradat e fundit të Luanit dhe nyjet hënore aktivizojnë ende boshtin Luan–Ujor. Për Luanin, kjo mund të sjellë mundësi të mëdha personale, por edhe nevojë për maturi. Për Ujorin, mundësi përmes partnerëve, por edhe pritshmëri të mëdha nga të tjerët. Për Demin dhe Akrepin, mund të ketë tension midis shtëpisë, karrierës, marrëdhënieve dhe identitetit. Jupiteri jep hapje, por jo gjithmonë qetësi. Ai rrit atë që prek.
Plutoni në Ujor është tashmë direkt dhe kjo është një nga energjitë më të rëndësishme të gjithë periudhës. Plutoni direkt në Ujor tregon se proceset e transformimit nuk janë më vetëm të brendshme ose të ngadalta. Fillojnë të shfaqen më qartë. Ujori, Luani, Demi dhe Akrepi i dhjetëditëshit të parë janë shenjat më të prekura. Për Ujorin, Plutoni në shenjë është një rilindje e gjatë e identitetit. Për Luanin, sjell transformim në marrëdhënie. Për Demin, transformim në karrierë dhe status. Për Akrepin, transformim në familje, shtëpi dhe rrënjë. Këtë javë, për shkak të Hënës së Plotë dhe katrorit të Diellit me Plutonin, ky ndikim bëhet shumë i dukshëm.
Plutoni kërkon të vërtetë. Ai nuk pranon më maska, role, kontroll të fshehtë, marrëdhënie të bazuara në frikë, ambicie të zbrazëta ose struktura që kanë humbur shpirtin. Nëse diçka po mbahet vetëm nga frika, kjo javë mund ta tregojë. Nëse një marrëdhënie ka lojë pushteti, mund të bëhet e dukshme. Nëse një vendim profesional nuk është i vërtetë, mund të krijojë presion. Nëse një çështje familjare është shtyrë gjatë, mund të kërkojë përballje. Plutoni nuk sjell gjithmonë rehati, por sjell fuqi kur njeriu pranon të shohë realitetin.
Saturni në retrogradë në Dash vazhdon të ndikojë dhjetëditëshin e parë dhe fillimin e dhjetëditëshit të dytë të shenjave kardinale: Dashi, Peshorja, Gaforrja dhe Bricjapi. Saturni kërkon përgjegjësi, pjekuri, kufij, disiplinë dhe vendime të qarta. Në Dash, ai flet për mënyrën se si veprojmë, si mbrojmë veten, si ndërtojmë identitetin dhe si marrim përgjegjësi për zgjedhjet tona. Për Dashin, është një mësim personal. Për Peshoren, një test në marrëdhënie. Për Gaforren, presion në karrierë. Për Bricjapin, përgjegjësi në shtëpi dhe familje. Ata që i përkasin gradave rreth 8 deri në 11 të këtyre shenjave e ndiejnë më fort.
Neptuni në retrogradë në Dash ndodhet në gradat e para të Dashit dhe prek sidomos dhjetëditëshin e parë të shenjave kardinale. Ai mund të sjellë frymëzim, idealizëm, ndjeshmëri shpirtërore, por edhe mjegull, paqartësi, lodhje dhe konfuzion. Për Dashin, mund të ketë pyetje për identitetin. Për Peshoren, mjegull në marrëdhënie. Për Gaforren, paqartësi profesionale. Për Bricjapin, ndjeshmëri në familje. Kjo energji kërkon shumë kujdes, sepse në një javë kaq intensive, jo çdo ndjenjë duhet marrë menjëherë si fakt. Duhen kohë, qartësi dhe verifikim.
Kironi në Dash, në gradat e fundit, prek më fort dhjetëditëshin e tretë të shenjave kardinale: Dashi, Peshorja, Gaforrja dhe Bricjapi. Me Afërditën në retrogradë në Peshore përballë tij, plagët në marrëdhënie, në identitet, në dashuri, në vlerë personale dhe në mënyrën se si njerëzit zgjedhin veten ose tjetrin bëhen shumë të dukshme. Kjo javë mund të sjellë biseda të ndjeshme, rikthim të personave nga e kaluara, ndjenja refuzimi, por edhe mundësi për shërim të vërtetë. Shërimi nuk vjen duke e mohuar dhimbjen. Vjen duke e parë, duke e pranuar dhe duke mos e lënë të drejtojë çdo vendim.
Urani në retrogradë në Binjakë ndodhet në gradat e para të Binjakëve dhe prek sidomos shenjat e ndryshueshme të dhjetëditëshit të parë: Binjakët, Virgjëresha, Shigjetari dhe Peshqit. Urani sjell surpriza, ndryshime, lajme të papritura, kthesa në mendim, teknologji, komunikim, udhëtime të shkurtra, marrëdhënie me njerëz të afërt, si edhe nevojë për liri mendore. Për Binjakët, ky ndikim është shumë personal dhe mund të sjellë ndryshim identiteti, pamjeje, vendimi ose drejtimi. Për Virgjëreshën, mund të sjellë ndryshime në karrierë. Për Shigjetarin, prek marrëdhëniet. Për Peshqit, prek shtëpinë dhe familjen. Kjo energji kërkon fleksibilitet. Kush përpiqet të mbajë me forcë një formë të vjetër, lodhet më shumë.
Nyjet hënore në boshtin Ujor–Luan vazhdojnë të aktivizojnë shenjat fikse, sidomos dhjetëditëshin e tretë të Luanit, Ujorit, Demit dhe Akrepit. Ky bosht flet për fatin, drejtimin, zgjedhjet karmike, marrëdhënien midis individit dhe grupit, midis skenës personale dhe komunitetit, midis zemrës dhe vizionit. Për Luanin, mund të ketë zhvillime që lidhen me identitetin dhe mënyrën se si shfaqet në botë. Për Ujorin, tema lidhet me marrëdhëniet dhe mënyrën se si njerëzit e tjerë e pasqyrojnë. Për Demin dhe Akrepin, ka presion midis sigurisë, marrëdhënieve, familjes dhe karrierës. Në një javë me Hënë të Plotë në Dem, ky bosht bëhet edhe më i ndjeshëm.
Lilith në Bricjap ndodhet në gradat e para të Bricjapit dhe prek sidomos shenjat kardinale të dhjetëditëshit të parë: Bricjapin, Dashin, Gaforren dhe Peshoren. Ajo sjell tema kontrolli, autoriteti, ambicieje, kufijsh, ftohtësie emocionale, refuzimi dhe nevoje për të mos pranuar më role të vjetra. Për Bricjapin, ky ndikim është personal dhe mund të sjellë forcë, por edhe ngurtësi. Për Dashin, mund të lidhet me karrierën. Për Gaforren, me marrëdhëniet. Për Peshoren, me shtëpinë dhe familjen. Lilith nuk kërkon të prishë gjithçka, por kërkon të mos shtypet më ajo që është e vërtetë.
Hëna gjatë kësaj jave lëviz nga Demi në Binjakë, më pas në Gaforre dhe në fund prek Luanin. Fillimi me Hënën e Plotë në Dem e bën atmosferën shumë tokësore, emocionale, materiale dhe konkrete. Çështjet e trupit, parave, vlerës dhe sigurisë bëhen të dukshme. Pastaj Hëna në Binjakë sjell më shumë biseda, lajme, komunikim, lëvizje dhe mendime të shpejta, por me Merkurin në retrogradë duhet shumë kujdes me keqkuptimet. Hëna në Gaforre në fund të javës e bën atmosferën më emocionale, familjare, të ndjeshme dhe intime. Ndërsa kur Hëna prek Luanin, rritet nevoja për shprehje, krenari, vëmendje dhe reagim. Prandaj java fillon me kulm financiar e emocional dhe mbyllet me më shumë tension krijues, marrëdhënor dhe personal.
Në përgjithësi, kjo javë prek më fort shenjat fikse: Demi, Luani, Akrepi dhe Ujori. Për dhjetëditëshin e parë, ndikimi vjen nga Hëna e Plotë në Dem, Dielli në Akrep dhe Plutoni në Ujor. Për dhjetëditëshin e dytë, ndikimi vjen nga Merkuri në retrogradë në Akrep dhe katrori me Marsin në Luan. Për dhjetëditëshin e tretë, ndikimi vjen nga Jupiteri në Luan dhe nyjet hënore në boshtin Luan–Ujor. Kjo do të thotë se shenjat fikse janë në proces të madh presioni, zbulimi dhe transformimi. Ato duhet të mos kapen me kokëfortësi pas asaj që tashmë po ndryshon.
Shenjat kardinale, Dashi, Gaforrja, Peshorja dhe Bricjapi, preken kryesisht nga Afërdita në retrogradë në Peshore, Kironi në Dash, Saturni dhe Neptuni në Dash, si edhe Lilith në Bricjap. Dhjetëditëshi i tretë i këtyre shenjave mund të përjetojë plagë dhe rishikime të forta në marrëdhënie, identitet, familje dhe karrierë. Dhjetëditëshi i parë dhe fillimi i dytë mund të ndiejnë peshë përgjegjësie, paqartësi, lodhje ose nevojë për kufij më të qartë. Për këto shenja, java kërkon pjekuri emocionale dhe jo vendime të marra nga plagët e vjetra.
Shenjat e ndryshueshme, Binjakët, Virgjëresha, Shigjetari dhe Peshqit, preken më shumë nga Urani në Binjakë dhe nga ndryshimet që ai sjell në mendim, komunikim, marrëdhënie, karrierë, familje dhe drejtim. Dhjetëditëshi i parë i këtyre shenjave mund të ndiejë kthesa të papritura, lajme, nevojë për liri, ndryshim planesh ose një shqetësim të brendshëm që kërkon më shumë fleksibilitet. Për Peshqit dhe Gaforren, energjia e Akrepit mund të jetë mbështetëse, por kërkon rishikim për shkak të Merkurit në retrogradë. Për Virgjëreshën dhe Binjakët, çdo dokument dhe bisedë duhet kontrolluar shumë mirë.
Kjo javë nuk është për sipërfaqe. Nuk është për vendime të nxituara. Nuk është për fjalë të hedhura pa menduar. Nuk është për marrëdhënie ku njëri jep gjithçka dhe tjetri merr pa përgjegjësi. Nuk është për para të paqarta, premtime të mëdha pa bazë, ose përpjekje për të ruajtur një qetësi që nuk është e vërtetë. Kjo javë është për të parë. Për të kuptuar. Për të rishikuar. Për të pranuar çfarë po del në dritë. Për të marrë fuqinë mbrapsht aty ku është humbur. Për të folur me maturi. Për të mos e lënë krenarinë të shkatërrojë atë që mund të rregullohet, por edhe për të mos e lënë frikën të mbajë gjallë atë që ka mbaruar.
Mesazhi kryesor i javës 26 tetor – 1 nëntor 2026 është: e vërteta nuk mund të fshihet më. Hëna e Plotë në Dem ndriçon atë që ka lidhje me vlerën, trupin, paratë dhe sigurinë. Dielli në Akrep kërkon transformim dhe sinqeritet. Merkuri në retrogradë në Akrep rikthen biseda, dokumente dhe të vërteta të papërfunduara. Afërdita në retrogradë në Peshore rishikon dashurinë, marrëdhëniet dhe ekuilibrin. Marsi në Luan rrit pasionin, por edhe konfliktin. Jupiteri në Luan hap mundësi, por kërkon maturi. Plutoni në Ujor transformon thellë shenjat fikse dhe strukturat e jetës. Saturni, Neptuni dhe Kironi në Dash kërkojnë pjekuri, qartësi dhe shërim. Kjo është një javë që mund të ndryshojë mënyrën se si dikush sheh veten, dashurinë, fuqinë dhe të ardhmen.
© 2026 ASTROLOGU.AL
