Stina e verës së qetë ka përfunduar dhe pasi mbushëm bateritë tona dhe u rigjallëruam nga dielli, deti, shoqëria dhe paqja e mendjes, hapi i menjëhershëm i radhës është të organizohemi dhe të rikthehemi në realitet.
Vjeshta është koha kur “çdo mjeshtër kthehet në punën e tij” dhe të gjithë përpiqemi me të gjitha forcat tona të vëmë në rregull jetën dhe detyrimet tona.
Gjatë kësaj periudhe, do të bëhemi më shoqërorë dhe do t’i kushtojmë vëmendje si bukurisë së brendshme, ashtu edhe asaj të jashtme. Kërkesat tona estetike do të jenë më të larta, gjë që do të na shtyjë të rinovojmë si hapësirën tonë, ashtu edhe veten. Marrëdhëniet që do të krijohen në këtë periudhë do të kenë më shumë mirëkuptim, ndërsa ato ekzistuese do të gjejnë kode të reja komunikimi.
Është koha e përgjegjësive dhe detyrimeve; vjeshta tashmë ka hyrë dhe na imponon, madje edhe në fushën e ndjenjave, të sillemi me seriozitet, planifikim dhe maturi. Por a përputhen këto koncepte me lojën e dashurisë? Dëshirë apo jo, të gjitha shenjat e horoskopit këtë vjeshtë do të detyrohen të marrin vendime për të ardhmen e jetës së tyre sentimentale.
DASHI
Periudha e vjeshtës fillon me ju të rikthyer plotësisht në përgjegjësi, detyrime dhe punë, duke u përpjekur të vendosni jetën tuaj në një rend të qëndrueshëm. Objektivat tuaj kryesorë për këtë vjeshtë do të jenë rregullimi i çështjeve financiare/bankare/tatimore që ju kanë lodhur së tepërmi. Për më tepër, do të dëshironi të shfrytëzoni mundësitë që do t’ju ndihmojnë të përmirësoni cilësinë e jetës suaj.
Në shtator, do t’i përkushtoheni tërësisht fushës së punës, duke kërkuar përmes bashkëpunimeve ide dhe zgjidhje që mbështesin planet dhe interesat tuaja. Në tetor, do të përballeni me ndryshime të papritura në sektorë të rëndësishëm të jetës suaj, që mund të përmbysin planet tuaja. Gjatë gjithë muajit tetor është e nevojshme të ruani qetësinë dhe të shmangni vendimet përfundimtare, sidomos në çështje të natyrës sentimentale dhe të bashkëpunimeve.
Nëntori do t’ju ndihmojë të riktheni rendin, si në karrierë, ashtu edhe në jetën personale. Një ndryshim i mundshëm në punë, ndonëse sfidues, do të rezultojë pozitiv. Gjithashtu, do të keni mundësi të rëndësishme për të rinovuar jetën tuaj sentimentale.
DEMI
Vjeshta është koha e duhur për të mbyllur pa dhimbje e pa hezitim kapitujt e së kaluarës, në mënyrë që të bëni hapin e ardhshëm. Shtatori vlerësohet si muaj mjaft rigjallërues, veçanërisht për jetën sentimentale. Ai do të plotësojë boshllëqet emocionale dhe do t’ju japë mundësinë të rifreskoheni përmes lidhjeve të reja.
Që nga mesi i shtatorit, çështjet financiare do t’ju ushtrojnë presion dhe detyrimet do të shtohen, gjë që mund t’ju shkaktojë ankth, pasi dëshironi të jeni të përpiktë. Tetori fillon me tensione: nga njëra anë, ju paralajmëron për ndryshime që nuk ju pëlqejnë, ndërsa nga ana tjetër, ju detyron të merrni vendime përfundimtare për një marrëdhënie ose bashkëpunim të qëndrueshëm, sidomos nëse keni lindur ditën e parë të shenjës suaj.
Nëntori është një muaj që mund t’ju ndihmojë të bëni një hap përpara në fushën sentimentale, për sa kohë që kapërceni pengesat e së kaluarës. Është momenti për të thënë “po” një njohjeje të re, pa u trembur nga ndarja me një lidhje që nuk kishte perspektivë.
BINJAKËT
Vjeshta ju jep mundësinë të zgjeroni rrethin e njohjeve tuaja, t’ju ndihmojë në negociata dhe marrëveshje të reja dhe, gjithashtu, t’ju shtyjë të vendosni themele të shëndosha në jetën sentimentale. Nuk do të mungojnë përplasjet dhe tensionet në një marrëdhënie ose bashkëpunim të qëndrueshëm, prandaj përpiquni të tregoheni më tolerantë.
Gjatë shtatorit, do të keni mundësi për një fillim të ri në dashuri. Megjithatë, fusha profesionale do t’ju lodhë dhe do t’ju detyrojë të bëni ndryshime. Në tetor, do të kërkoni zgjidhje dhe dalje përmes kontakteve dhe njohjeve, duke përjetuar ankth në lidhje me çështjet e punës dhe të financave. Në nëntor, kushtoni më shumë kujdes financave dhe përgatituni për një ecuri më të qëndrueshme në dashuri drejt fundit të muajit.
GAFORRJA
Vjeshta fillon me ju në një gjendje më optimiste dhe me një qasje më pozitive ndaj jetës dhe së ardhmes. Prioriteti juaj për këtë tremujor do të jetë përmirësimi i financave dhe kapërcimi i disa pengesave sentimentale që kishin rënduar atmosferën.
Në shtator, do të ketë bisedime dhe riorganizime në shtëpi dhe familje. Mund të mos pajtoheni plotësisht me vendimet e të afërmve tuaj ose të planifikoni një ndryshim të rëndësishëm që lidhet me jetën personale. Do të shfaqen gjithashtu mundësi për flirt, komunikim dhe vlerësim personal. Për sa i përket punës, do të jeni të mbingarkuar me përgjegjësi, duke shpenzuar shumë energji.
Tetorri, në fillim të tij, sjell një ndryshim të madh në karrierë që mund t’ju befasojë dhe të ndryshojë planet tuaja. Gjithashtu, ky muaj mund të sjellë një dashuri të fuqishme ose një zhvillim të rëndësishëm në një marrëdhënie, sidomos për ju që keni lindur ditën e parë të shenjës. Në nëntor, prioriteti juaj do të jetë fusha sentimentale, ku mund të kaloni momente të këndshme, për sa kohë që nuk tregoheni absolutistë.
LUANI
Një epokë e re fillon për ju, mik i dashur Luan! Qëllimi juaj kryesor për periudhën e vjeshtës do të jetë të vendosni në rregull jetën personale dhe të mbyllni përfundimisht çështjet që rëndojnë zemrën tuaj. Edhe pse do të vazhdoni të përballeni me presione dhe sfida, tashmë shfaqen më shumë mundësi përpara jush, të cilat nuk duhet t’i lini të humbasin.
Në shtator, pritet një rritje e vogël financiare, ndërkohë që do të shoqëroheni më shumë dhe mund të përfshiheni në një aktivitet të ri kolektiv, i cili do t’ju entuziazmojë. Tetori do t’ju sjellë kontakte me njerëz nga e kaluara dhe pak rrëmujë në komunikimet tuaja, por do të arrini të mbyllni kapituj të hapur prej kohësh. Nëntori vlerësohet si muaj jashtëzakonisht romantik dhe pasionant për shenjën tuaj. Një njohje e re mund t’ju nxjerrë nga rutina, ndërsa komunikimet dhe rrëfimet sentimentale do të jenë në qendër të vëmendjes, duke ju ndihmuar të çliroheni nga ndjenja e vetmisë.
VIRGJËRESHA
Fillimi i vjeshtës ju gjen të gatshëm të jepni më të mirën tuaj për të përmirësuar marrëdhënie dhe bashkëpunime të qëndrueshme. Keni plane dhe ëndrra të reja që lidhen jo vetëm me ju, por edhe me njerëzit që keni pranë. Disa prej tyre do të mund t’i realizoni, për sa kohë që ulni disi tonet dhe zvogëloni kërkesat ndaj të afërmve.
Në shtator, do të keni mundësi të rinovoni jetën tuaj sentimentale, ndërsa biseda dhe marrëveshje të caktuara do t’ju ndihmojnë edhe në zhvillimin financiar. Në tetor, një plan i ri që kishit përgatitur ose diskutuar më parë do të vihet në zbatim me sukses, duke ju dhënë më shumë siguri dhe stabilitet. Nëntori do t’ju sjellë një freskim të ndjeshëm në dashuri, duke përmbushur pritshmëritë tuaja emocionale.
PESHORJA
Vjeshta ju gjen me shqetësim dhe frikë për të ardhmen. Keni shumë mendime dhe plane, por ngurroni t’i zbatoni nga pasiguria për “të nesërmen”. Ngjarjet përreth do t’ju japin shtysën e domosdoshme për të bërë ndryshime thelbësore në jetën tuaj. Disa prej tyre do të jenë të kënaqshme, të tjera të papritura dhe zhgënjyese.
Në shtator, jeta juaj shoqërore do të jetë e gjallë dhe me shprehshmërinë tuaj do të arrini shumë. Tetori do të mbështesë disa plane personale dhe do t’ju ndihmojë në krijimin e një lidhjeje ose bashkëpunimi të ri. Nëse keni lindur në dhjetëditëshin e dytë të shenjës, prisni mundësinë e ndërprerjeve të papritura në marrëdhënie apo bashkëpunime, gjë që mund t’ju gjejë të papërgatitur. Megjithatë, ky muaj do të jetë vendimtar për jetën tuaj sentimentale. Sa i përket nëntorit, ai do të sjellë presione profesionale, duke e përqendruar vëmendjen tuaj në çështje karriere dhe financash.
AKREPI
Kjo vjeshtë ju gjen me një qasje më dinamike dhe vendimtare. Problemet dhe presionet nuk mungojnë, por tashmë keni maturinë për të dalluar më qartë të drejtën nga e gabuara. Objektivi juaj është të konsolidoni pozitat profesionale dhe të krijoni stabilitet më të madh në jetën sentimentale.
Në shtator, pritet një zhvillim i bukur në dashuri që do të përmbushë një dëshirë tuajën, megjithatë do të mbani disa rezerva dhe nuk do t’i shpalosni menjëherë të gjitha kartat, duke ruajtur fshehtësi për të mbrojtur veten. Në tetor, do të ketë riorganizime dhe pasiguri në punë dhe përditshmëri, duke rritur nivelin e ankthit. Ky muaj do t’ju vendosë përballë vendimeve të detyrueshme: duhet të thoni një “fund” të madh, në mënyrë që të nisni një fillim të ri në jetën tuaj. Në nëntor, do të merrni frymë më lirshëm, do të dilni, do të argëtoheni, do të përjetoni romanca dhe do të shijoni plotësisht çdo gjë që ju mbush me gëzim.
SHIGJETARI
Ka ardhur koha të hapni krahët, të ndiheni më të lirë, të zgjeroni veprimtarinë tuaj dhe të vendosni objektiva të rinj në jetë. Kjo vjeshtë ju rikthen tek vetja juaj e vjetër dhe optimiste, duke parë gjithçka me më shumë shpresë dhe duke nisur fillime të reja e të rëndësishme.
Në shtator, do të zgjeroni rrethin shoqëror, do të përmirësoni cilësinë e punës suaj dhe do të gjeni përsëri forcën për të marrë vendime të rëndësishme për të ardhmen. Tetori do të sjellë një dashuri të fuqishme dhe pasionante, e cila do t’ju bëjë të besoni se asgjë nuk është e rastësishme në jetë. Megjithatë, nëse jeni në lidhje, tregoni kujdes sepse tundimet sentimentale mund t’ju shkaktojnë probleme serioze. Sa për nëntorin, ai do t’ju dhurojë momente të papritura gëzimi dhe lumturie në dashuri, që do t’ju rigjallërojnë.
BRICJAPI
Një vjeshtë e lodhshme dhe kërkuese nis për ju, me ankth si në fushën profesionale, ashtu edhe në atë financiare. Megjithatë, jeta sentimentale do të hyjë në një rrugë më të mirë, për sa kohë që jeni të gatshëm të bëni kompromiset e nevojshme për të forcuar një marrëdhënie ekzistuese.
Në shtator, do të shfaqen mundësi për të nisur një projekt profesional të ri, i cili mund t’ju sjellë të ardhura më të mira. Paralelisht, do të keni mbështetje në dashuri dhe do të mund të kapërceni disa pengesa dhe mosmarrëveshje me personin që ju intereson. Në tetor, do të jetë e nevojshme të menaxhoni me zgjuarsi një marrëdhënie sentimentale, duke bërë shpeshherë tolerime për të shmangur problemet. Nëntori do t’ju japë forcë, vendosmëri dhe pasion. Një dëshirë e madhe e juaja mund të realizohet pikërisht në këtë periudhë.
UJORI
Ndeshja në thelb po i afrohet fundit dhe ju ndodheni në minutat shtesë, të cilat do të përcaktojnë rezultatin përfundimtar. Çfarë do të thotë kjo për ju, mik Ujor? Do të thotë që këtë vjeshtë duhet të jepni versionin më të mirë të vetes për të stabilizuar disa fusha të rëndësishme të jetës suaj. Qëllimi kryesor është të gjeni një punë të mirë ose të forconi atë ekzistuese dhe, gjithashtu, të ruani pranë vetes personin që ju intereson, duke e çuar lidhjen në një rrugë më serioze.
Shtatori është muaj i luftës dhe përpjekjes: dashuria kalon në plan të dytë, ndërsa karriera ecën me ritme të shpejta. Gjithashtu, ky muaj do të sjellë aktivitete shoqërore dhe njohje të reja. Tetori do të hapë një mundësi të rëndësishme në dashuri: një shans apo një njohje e re që do të forcojë gjendjen tuaj shpirtërore. Në nëntor, do të duhet të luftoni shumë për të arritur atë që dëshironi, duke treguar këmbëngulje dhe durim. Megjithatë, fitorja do të jetë e juaja.
PESHQIT
Është e njohur tashmë se kjo vit ju ka dhënë mjaft mundësi për ta bërë jetën tuaj më të bukur. E njëjta gjë do të ndodhë edhe këtë vjeshtë. Qëllimi juaj është të sillni një frymë ndryshimi në jetën personale, të gjeni një punë më të qëndrueshme dhe të kënaqshme, si dhe të fitoni dije dhe përvoja të reja që do t’ju japin siguri dhe vetëbesim.
Shtatori nis me mundësi për projekte të reja profesionale dhe me një rigjallërim domethënës në dashuri. Tetori do t’ju motivojë të promovoni imazhin tuaj në mënyrën më të mirë të mundshme dhe do t’ju ndihmojë të kërkoni një të ardhme më të mirë. Megjithatë, në këtë muaj duhet të tregoni kujdes me financat dhe të merrni vendime të maturuara profesionale, pa rreziqe të mëdha. Në nëntor, asgjë nuk do të mund të qëndrojë pengesë për realizimin e qëllimeve tuaja personale.
