23 TETOR 2026 – DITA E KALIMIT NGA EKUILIBRI TE E VËRTETA E THELLË
23 tetori është ditë kufitare dhe shumë e rëndësishme, sepse Dielli ndodhet në gradën e fundit të Peshores dhe gjatë kësaj dite përgatitet të hyjë në Akrep. Kjo është një ndërrim sezoni astrologjik. Nga Peshorja, ku fokusi ka qenë te marrëdhëniet, kompromisi, diplomacia dhe ekuilibri, kalojmë në Akrep, ku fokusi bëhet e vërteta, thellësia, transformimi, intimiteti, para të përbashkëta, sekrete, kriza, shërim dhe fuqi e brendshme. Kjo ditë është si një portë midis dy energjive: nga paqja e jashtme drejt së vërtetës së brendshme.
Hëna vazhdon në Peshq dhe e bën kalimin edhe më intuitiv dhe më emocional. Peshqit, Virgjëresha, Binjakët dhe Shigjetari preken më shumë, sidomos dhjetëditëshi i dytë, sepse Hëna lëviz në gradat e mesme të Peshqve. Hëna në Peshq formon lidhje harmonike me Merkurin në Akrep, duke krijuar një ditë shumë të mirë për biseda të thella, intuitë, shkrim, terapi, kuptim emocional, komunikim me njerëz nga larg dhe sqarime që kërkojnë ndjeshmëri. Ky është një aspekt që ndihmon të themi gjëra të vështira me më shumë butësi.
Merkuri në Akrep është rreth gradës 20° dhe shumë i ngadalësuar. Kjo tregon se mendimi po përgatitet për rishikim të madh. Nëse sot ka një bisedë, një dokument, një mesazh ose një vendim që lidhet me besim, para, intimitet, sekret, marrëdhënie të thellë ose çështje psikologjike, duhet trajtuar me shumë kujdes. Preken më shumë Akrepi, Demi, Luani dhe Ujori i dhjetëditëshit të dytë, rreth gradës 20°. Këto shenja duhet të mos nxitojnë në përgjigje dhe të mos bëjnë deklarata që më vonë do të kërkojnë korrigjim.
Hyrja e Diellit në Akrep, që ndihet nga fundi i ditës dhe bëhet plotësisht e dukshme në ditën pasuese, prek më shumë Akrepin, Demin, Luanin dhe Ujorin e dhjetëditëshit të parë. Për Akrepin, fillon sezoni personal. Për Demin, aktivizohen marrëdhëniet dhe partneritetet. Për Luanin, shtëpia dhe familja bëhen qendër. Për Ujorin, karriera dhe statusi marrin vëmendje. Shenjat e ujit, Gaforrja, Akrepi dhe Peshqit, mund të ndiejnë rritje force emocionale, intuitë dhe dëshirë për të shkuar më thellë.
Në dashuri, 23 tetori mund të jetë shumë emocional, sepse Hëna në Peshq hap zemrën, ndërsa Dielli po përgatitet të hyjë në Akrep dhe Afërdita në retrogradë vazhdon të sjellë të kaluarën. Mund të ketë bisedë të butë, kujtim, falje, dëshirë për të kuptuar, por edhe rrezik idealizimi. Për ribashkim, dita mund të jetë e mirë për të dëgjuar dhe për të ndjerë, por jo për të premtuar gjithçka. Për propozim, më mirë të pritet, sepse hyrja në Akrep e bën energjinë shumë më intensive dhe Afërdita është ende retrograde.
Në punë, dita është e mirë për përgatitje, strategji, punë në prapaskenë, kërkim, shkrim, terapi, projekte artistike, komunikim me kujdes dhe planifikim të një faze të re. Për firma, duhet kujdes. Nëse dokumenti lidhet me para të përbashkëta, kredi, taksa, marrëdhënie, intimitet ose partneritete, duhet lexuar dy herë. Për intervista, dita mund të jetë e mirë nëse tregohet qetësi, ndjeshmëri dhe thellësi.
Në financa, shmangni vendime të mëdha, sidomos nëse mungon qartësia. Për shëndet, dita është e mirë për terapi, pushim, kontroll emocional, punë me gjumin, sistemin nervor dhe trupin që reagon ndaj stresit. Hëna në Peshq kërkon më shumë butësi dhe jo mbingarkesë.
Duhet të shmangen premtimet nga emocioni, idealizimi i një personi, firmat pa kontroll, arratisja nga realiteti, mosvëmendja në dokumente, marrja e vendimeve nga ndjenja e fajit dhe përzierja e mëshirës me dashurinë.
Këshilla e ditës:
Sot është më mirë të dëgjoni, të vëzhgoni dhe të kuptoni para se të merrni vendime të mëdha. Dita favorizon bisedat e thella, terapinë, shkrimin, reflektimin dhe përgatitjen për një fazë të re, por jo premtimet nga emocioni apo firmat pa kontroll. Lëreni intuitën t’ju tregojë drejtimin, por jepini realitetit fjalën e fundit.
© 2026 ASTROLOGU.AL
ABONOHUNI NË KANALIN TONË NË YOUTUBE!
Mos humbisni asnjë parashikim! Abonohuni falas dhe aktivizoni zilen për t'u njoftuar sa herë publikojmë një video të re!
https://www.youtube.com/@astrologujorgopulla
NA NDIQNI EDHE NË FACEBOOK!
Bëhuni pjesë e komunitetit tonë astrologjik!
Na ndiqni në Facebook për parashikime, këshilla astrologjike dhe publikime interesante çdo ditë.
Pëlqeni faqen tonë dhe qëndroni gjithmonë pranë nesh!
http://www.facebook.com/jorgopulla.astrologu
Ju mirëpresim me kënaqësi!